ഗ്രീൻ ശൈഖ്: ശൈഖ് അബ്ദുൽ അസീസ് നുഐമിയുമായി കാന്തപുരം കൂടിക്കാഴ്ച നടത്തി.
ഗ്രീൻ ശൈഖ്: ശൈഖ് അബ്ദുൽ അസീസ് നുഐമിയുമായി കാന്തപുരം കൂടിക്കാഴ്ച നടത്തി. അജ്മാന്‍ : ലോകപ്രശസ്ത പരിസ്ഥിതി പ്രവർത്തകനും അജ്‌മാൻ രാജകുടുംബാംഗവുമായ ശൈഖ് അബ്ദുൽ അസീസ് നുഐമിയുമായി അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ.പി. അബൂബക്കര്‍ മുസ്ലിയാര്‍ കൂടിക്കാഴ്ച നടത്തി. ‘ഗ്രീൻ ശൈഖ്’ എന്ന് ആഗോള മാധ്യമങ്ങൾ വിശേഷിപ്പിക്കുന്ന ശൈഖ് അബ്ദുൽ അസീസ് യു.എ.ഇ-യിലെയും അറബ് ലോകത്തിലെയും പാരിസ്ഥിതിക -സുസ്ഥിര വികസന നയസമീപനങ്ങളുടെ രൂപീകരണത്തിൽ ഏറ്റവും വിലയേറിയ ശബ്ദമാണ് എന്ന് കൂടികാഴ്ചയ്ക്ക് ശേഷം കാന്തപുരം പ്രതികരിച്ചു. സ്‌നേഹപൂർണമായ ആഥിത്യത്താൽ മനസ്സ് കീഴടക്കിയ ശൈഖുമായുള്ള കൂടിക്കാഴ്ച അതീവഹൃദ്യമായ ഒരനുഭവമായിരുന്നു. കേരളീയ സമൂഹത്തെ തികഞ്ഞ ആദരവോടെ കാണുന്ന ശൈഖ് അബ്ദുൽ അസീസ് പ്രളയാനന്തര കേരളത്തിന്റെ അതിജീവന ശ്രമങ്ങളെ ശ്ലാഘിക്കുകയുണ്ടായി. ശൈഖ് അബ്ദുൽ അസീസിന്റെ മാതൃകാപരമായ സാമൂഹിക പ്രവർത്തനങ്ങൾക്ക് നാഥൻ അർഹമായ പ്രതിഫലം നൽകാന്‍ പ്രാര്‍ത്ഥിക്കുമെന്നും കാന്തപുരം പറഞ്ഞു. ശൈഖ് അബ്ദുൽ അസീസിന്റെ സാരഥ്യത്തിലുള്ള പ്രശസ്‌ത ജീവകാരുണ്യ സ്ഥാപനമായ അൽ ഇഹ്‌സാൻ ചാരിറ്റി ഇൻസ്റ്റിറ്റ്യൂട്ട്-ന്റെ സ്ന